Lees die jongste nuus en Gebeure van ons skool. Bly ingelig oor die jongste nuus en gebeure.
Kom 21 November 2026 om 18:00 na die PNHS A-rugbyveld. Kaartjies kos R50 per persoon, plus 'n verpligtende blikkie nie-bederfbare kos.
Agter PNHS se prestasies op die sportveld, op die verhoog en in die klaskamer staan mense wat elke dag sorg dat dinge vlot verloop. Vandag vier ons een van daardie mense, ons eie tannie Schantell, wat tweede geëindig het in Solidariteit se Kantoorkampioen-kompetisie.
Hoërskool Pretoria-Noord kondig met trots die amptelike aanstelling van me. A. Smith as Adjunkhoof – Geboue & Terrein aan. Haar aanstelling tree op 1 Januarie 2027 in werking.
PNHS se jaarlikse gholfdag by Seasons Gholfklub was ’n groot sukses! Met ’n pragtige baan, goeie geselskap en sommer baie gees was dit ’n heerlike dag saam met ons skoolgemeenskap.
Hoërskool Pretoria-Noord se O.19A- en O.15A-sagtebalseuns het op Saterdag, 24 Oktober 2026, onderskeidelik goud en silwer by die Gauteng-finaal verower.
Hoërskool Pretoria-Noord se sagtebalspanne het op Saterdag, 17 Oktober 2026, tydens die TSSA-liga se A- en B-spanfinale hul staal gewys.
Dankie aan ons borge en vennote vir hul ondersteuning aan Hoërskool Pretoria-Noord.
Hierdie jaar ondersteun ons omgee-leerders. Elke leerder kry 'n Kersboks met persoonlike benodigdhede, skryfbehoeftes en lekkernye, en voor die vakansie ook 'n boks niebederfbare kos.
Ouers, besighede en lede van die gemeenskap is welkom om 'n volledige boks of enkele items te skenk.
Lees die nuutste artikels en omsendbriewe van ons skool. Bly ingelig oor die jongste gebeure, nuus en belangrike informasie.
Mev. A Smith aangestel as Adjunkhoof, skaak by die Gauteng Skole Kampioenskappe, waardebalkies, die opvolg Algemene Ouervergadering op 11 November, die "Lig van Kersfees" fees, "Kersfees met Coenie", en die weekprogram vir 9 – 16 November 2026.
Sterkte vir die eindeksamen, die opvolg Algemene Ouervergadering op 11 November, die eerste "Lig van Kersfees" fees op 21 November, "Kersfees met Coenie" op 28 November, en die weekprogram vir 2 – 9 November 2026.
Krieket- en sagtebaluitslae, Gauteng-Noord trofeewenners, NWU Top 30 atletiek, akademiese prestasies, kennisgewing van die Algemene Ouervergadering op 28 Oktober, die Merietefunksie, en die weekprogram vir 19 – 26 Oktober 2026.
Kwartaal 4 2026
Verken ons skool se verskeie afdelings wat 'n breë spektrum van akademiese, kulturele, sport en administratiewe inligting aanbied. Hier vind jy belangrike informasie, riglyne en prosedures wat van toepassing is op ons skool.
Akademie is die kern van wie ons is. By Hoërskool Pretoria-Noord is ons trots op gehalte-onderrig, toegewydheid en uitsonderlike akademiese prestasie. Ons leerders word nie net vir eksamens voorberei nie, maar vir die toekoms - met ondersteuning, hulpbronne en 'n passie vir leer.
PNHS se kultuur is aan die brand, met 'n groot verskeidenheid aktiwiteite vir elke kultuurliefhebber.
Druk hier om die nodige dokumentasie te besigtig. Kontak gerus die skool vir verdere navrae.
By Hoërskool Pretoria-Noord streef ons daarna om gehalte onderrig toeganklik en bekostigbaar te hou. Onder die Finansies-afdeling verskaf ons belangrike inligting oor skoolfonds, betalingsopsies, finansiële ondersteuning.
Hoërskool Pretoria-Noord vorm die hartklop van sosiale bedrywighede vir oud en jonk in die noorde van Pretoria.
Noorderlig is 'n omgee groep, ouers sowel as onderwysers, wat fokus op leerder ondersteuning by Hoërskool Pretoria-Noord.
Hoërskool Pretoria Noord het weer hierdie jaar die Leef vir Christus Week vir die leerders en personeel aangebied. Die doel van die week is om opbouende en motiverende sprekers te ontvang wat die leerders en personeel herinner van die goedheid en grootheid van God. Almal by PNHS moet weet dat God hulle liefhet.
Gidse, vraestelle en studiemateriaal vir leerders beskikbaar gestel deur PNHS.
Dankie aan ons borge en vennote vir hul ondersteuning aan Hoërskool Pretoria-Noord.
PNHS kan nie wag om jou deel te maak van ons wenspan nie. Hou hierdie spasie dop vir die nuutste inligting rondom inskrywings en departementele vereistes en datum.
Lees meerKom raak deel van PNHS-sport! Ouers van ons Maroelapitte, ons het WhatsApp-groepe vir rugby, netbal, hokkie en atletiek geskep en dit saam in ons PNHS Sportgemeenskap georganiseer. Sluit asseblief aan by die groepe vir die sportsoorte waaraan jou kind gaan deelneem. Oefentye, oefendae en belangrike reëlings sal op hierdie groepe gedeel word.
Ons sien uit om ons nuwe Maroelapitte te ontmoet en saam aan 'n opwindende sportseisoen te bou!
Hoërskool Pretoria-Noord is ‘n enkelmedium skool geleë aan die voet van die Magaliesberg in die noorde van Pretoria. Dit is hier waar Mnr. C.J.C. Driescher aan die stuur staan van ‘n goed geöliede skip met ‘n uiters bekwame personeelgroep en meer as 1000 leerders.
Die skool het in 1943 sy deure geopen en het sederdien duisende leerders gehelp vorm en ontwikkel om as suksesvolle jong volwassenes die grootmenswêreld te betree.
PNHS fokus op vier hoofpilare, akademie, sport, kultuur en leierskap en streef daarna om ons vyf waardes elke dag uit te leef: lojaliteit, integriteit, verantwoordelikheid, eerlikheid en respek.
