Gholfdag
PNHS bied jaarliks ‘n uiters suksesvolle gholfdag in die vierde kwartaal aan as fondsinsamelingsprojek.
Hoërskool Pretoria-Noord bied jaarliks in die vierde kwartaal ’n uiters gewilde en suksesvolle gholfdag aan – en 2025 is geen uitsondering nie!
Datum: Vrydag, 7 November 2025
PNHS se gholfdag is ’n belangrike en gesogte fondsinsamelingsinisiatief wat jaarliks ’n groot verskil maak in die ondersteuning van die akademiese projekte en inisiatiewe van die skool. Hierdie suksesvolle dag word moontlik gemaak deur die betrokke deelname van sowat 40 vierballe en die waardevolle borgskappe wat op elke bof aangebied word. Ons is dankbaar vir die talle ondernemings en gholfspelers wat al oor die jare bygedra het om hierdie dag ’n hoogtepunt op die kalender te maak, en ons nooi jou graag uit om in 2025 deel te wees van hierdie spesiale gebeurtenis.
Die dag word afgerond met ’n stylvolle prysuitdelingsfunksie, waar elke speler met ’n prys huis toe gaan, gevolg deur ’n heerlike aandete en gesellige saamkuier.
Wil jy betrokke raak?
Of jy nou ’n besigheid is wat ’n bof wil borg, of ’n gholfliefhebber wat wil inskryf – ons nooi jou hartlik uit om deel te wees van hierdie besonderse dag!
Kontak ons by: [email protected]
Vir die nuutste uitslae en nog meer foto's volg ons gerus op Facebook:
Facebook bladNuutste Nuus
Gallery
