Mnr En Mej Pnhs

Mnr en Mej PNHS

Mnr. en Mej. Hoërskool Pretoria-Noord - Die sosiale glansgeleentheid van die jaar.

Mnr. en Mej. Hoërskool Pretoria-Noord is verseker een van die hoogtepunte op elke jaar se sosiale kalender. Hierdie spoggeleentheid is beslis nie net ŉ skoonheidskompetisie nie, maar bied ook aan ons Gr. 10 – Gr. 12 leerlinge ŉ platform vir selfontdekking en persoonlike groei ten opsigte van ŉ gesonde en positiewe selfbeeld. Gedurende die oefensessies word finaliste deur bekwame afrigters touwys gemaak rakende loopplank-etiket, hoe om uitrustings te modelleer en hoe om jouself te handhaaf wanneer die kollig op jou val. Daar word egter nie gepoog om ŉ plastiese en generiese voorkoms van skoonheid uit te beeld nie. In teen deel word finaliste gemotiveer om die gehoor en die beoordelaars deur hulle eie unieke sjarme en sprankelende persoonlikhede te betower. Die uiteinde is dat elke finalis sy/haar eie definisie moet verleen aan die konsep van skoonheid en besef dat filters en ander toeps wat gebruik word om foto’s te dokter net valse illusies skep.

Afrigters en Personeel betrokke:

Me. L. Venter-Kruger, Me. C. Williamson, Me. M. Driescher, Me. A. van Niekerk, Nadine Barkhuizen.

Vir die nuutste uitslae en nog meer foto's volg ons gerus op Facebook:

Facebook blad

Nuutste Nuus

Mnr. en Mej. PNHS 2025 - DIT IS EK-

Vanjaar het die skool weer 'n opwindende mnr. en mej. PNHS kompetisie aangebied onder die tema "Dit is ek." Die geleentheid het selfvertroue, individualiteit en selfuitdrukking gevier, wat elke deelnemer die geleentheid gegee het om nie net hul uiterlike skoonheid ten toon te stel nie, maar ook hul talente, intelligensie en unieke persoonlikhede. Die deelnemers het hulself met trots voorgestel, hul passies gedeel en met grasie en egtheid oor die verhoog gestap. Die atmosfeer was gevul met ’n gejuig en aanmoediging terwyl die finaliste die boodskap van selfaanvaarding en innerlike krag uitgebeeld het. Op die ou end was die kompetisie nie net oor wen nie, maar oor die viering van wie hulle werklik is - 'n kragtige herinnering dat almal op hul eie manier skitter.