Rugby

Rugby

In die eerste kwartaal neem ons deel aan die PUK 16 reeks saam met al die ander wintersporte en het ons in die reeks vanaf 2014 tot 2016 met die beker weggestap vir beste rugbyskool in die PUK 16 reeks.


Organiseerder: Douglas Botes, Hoofafrigter: Thomas Pieterse
Afrigters: Gehan Snyder, Douglas Botes, Andrew Masombuka, Barry Fourie, Quinton Bye, Herman Jacobs, Frik van Vuuren, Jaco Oosthuizen, Arrie Dekker, Kenneth Makunyane, Kevin van Rensburg, Hendrik Badenhorst, Thomas Pieterse.

Rugby by PNHS word hoofsaaklik in die eerste en tweede kwartaal gespeel. In die tweede kwartaal neem ons deel aan die die PUK-16 reeks en die Virsekerbeker Noordvaal- reeks, Afdeling 2 vir groot skole. Die seuns het die voorreg om gedurende die Maart-vakansie die USN-rugbytoer by Camp Discovery by te woon. Daar sal hul talente verder ontgin en ons sien met groot verwagtinge uit na 2021 se seisoen! “Vinnig en Vreesloos”, is hoe ons die rugbyspanne van Hoërskool Pretoria-Noord kan beskryf!

Gedurende die 2020 seisoen het ons 2de span die PUK-16, sowel as die Blou Bulle Afdeling 2 Stadsbeker gewen. Ons o/14, o/15 en 1ste spanne het deurgedring na die semi-finale en sodoende het hulle gekwalifiseer vir die VirSeker- beker. Dit is ongetwyfeld nie ‘n geringe prestasie nie en ons is baie trots op die manne. Die o/14’s en eerste span het teen Hoërskool Pietersburg en die o/15’s teen Hoërskool Ben Viljoen kragte gemeet. Ongelukkig kon geeneen van die spanne verder in die uitspele vorder nie.

Ons skool spog egter met vier spelers wat vanjaar na die Blou Bulle Cravenweek-proewe genooi is. Baie geluk aan: Arie Dekker, Johan Lubbe, Karabetswe Mpete en Uvian van der Colff. Laasgenoemde is beloon met ‘n plek in die Blou Bulle Cravenweek se C-span.


Nuutste Nuus


In 2020 het al ons spanne 3 wedstryde gespeel in die PUK-16 reeks voordat COVID-19 ingetree het.

Ons 1ste, 2de en o/15 spanne was almal onoorwonne en ons o/16 en o/14 spanne het elk net een wedstryd verloor. Ons sien uit na ’n groot 2021 tussen die vier lyne en beoog om ’n laerskole dag in Februarie te hou, asook PNHS se eerste 7’s toernooi aan te bied in Augustus


Personeel


Mnr. D. Botes


Gallery



Terug