Landloop

Landloop

Landloop bied aan die gemiddelde sowel as elite langasem die geleentheid om in die Pretoria-skoleliga deel te neem, asook op die hoogste vlak by Gauteng-Noord sowel as nasionale vlak mee te ding.


Organiseerder: R. Swart

Afrigter: C. Goodinson, W. du Toit, R. Swart

Oefening vind dwarsdeur die jaar plaas met die skoleliga wat in die derde kwartaal plaasvind.

Jaar na jaar lewer ons skool uitstaande Landloopatlete op wat hulself op die hoogste vlak laat geld.


Nuutste Nuus


Die langasems verdien goud

Daar is min mense wat oor die toewyding en vasbyt van ‘n langafstandatleet beskik.

Die wat weet, sê dat om te kan presteer, moet jy ten minste ses dae per week oefen. Elke week van die jaar. Dit beteken driehonderd en twaalf dae uit die driehonderd vyf-en-sestig dae van die jaar.

Daar is twee landloopklubs by die skool betrokke en die onderskeie afrigters sorg dat ons atlete topfiks is.

Dit is dan ook waarom PNHS se langafstandatlete jaar na jaar so goed kon presteer.

In 2019 neem die atlete aan verskeie byeenkomste deel en presteer as volg:

Die senior dogters eindig eerste in al ses hul B-bond ligawedlope, terwyl die junior seuns in elk van hul ses B-bond ligawedlope in die top drie plekke eindig.

Die atlete het hul medaljes tydens n glans geleentheid by Hoërskool Eldoraigne, in ontvangs geneem.

Hiermee wen PNHS dan die liga in die B-bond en skuif die landlopers op na die A-bond vir 2020. Ongelukkig kon Landloop nie in 2020 plaasvind nie en dus sal ons dan in 2021 steeds in die A-Bond deelneem.

In 2019 het veertien van ons landlopers het gekwalifiseer om as lede van die Gauteng-Noord span by die interprovinsiale byeenkoms te Middelburg deel te neem.

Ten spyte van strawwe kompetisie, word Dylan McMaster, Willie van Rooyen, Abigail Grobler en Natasha Sikisi gekies om die Gauteng-Noord span by die Suid-Afrikaanse kampioenskappe te verteenwoordig.

Carla Bronkhorst


Gallery



Terug