Kunswedstryde
Die leerders het geleentheid om in in te skryf vir 6 tot 7 kompetisies 'n jaar sodat hul unieke talente met die land en wêreld gedeel kan word. ategorieë waarvoor leerders kan inskryf is enigiets vanaf voorbereide en onvoorbereide voordrag tot kreatiewe kunste en sang.
Die kunswedstryde bied vir die leerders ’n geleentheid om in verskeie kulturele gebiede te presteer en te groei. Die leerders het ’n geleentheid om teen leerders in ander skole deel te neem, hetsy aanlyn of in persoon.
Daar is verskillende kategorieë waaraan die leerders kan deelneem. Kategorieë soos kreatiewe skryfwerk, sang en vele meer. Die leerders skryf deur die skool in en hou ook op só manier die skool se naam hoog.
Vir die nuutste uitslae en nog meer foto's volg ons gerus op Facebook:
Facebook bladNuutste Nuus
Kunswedstryde stel die leerders in staat om hulle vlerke te sprei. Van voordrag en sang tot teken en skryf, word daar ’n geleentheid vir elke leerder gebied om hulle kreatiewe kant te wys.
PNHS se leerders pronk behoorlik met hulle goeie prestasies in 2024. Dié leerders het onderskeidelik die volgende prestasies behaal.
Lara van Schalkwyk het gesamentlik vyf goue sertifikate behaal vir voorbereide poësie en lees sowel as onvoorbereide lees. Verder neem sy deel aan ‘n beeldende kuns item en verwerf ‘n goue sertifikaat vir haar kunswerk.
Michael De Villiers skryf sy eie poësiestuk en verwerf ‘n silwer sertifikaat.
André en Beate Haarhoff het elk 'n goue sertifikaat verwerf vir hul voorbereide poësie.
Luan O’Callaghan verdien nege goue sertifikate en dertien silwer sertifikate vir sang items soos Afrikaans, Country, Engels, Gewyd, Populêr en Rock. Hy verdien verder ook drie goue sertifikate vir kreatiewe- skryf, waarneming en poësie.
Mia Rynners is twee keer die kategoriewenner vir karakteruitbeelding, sowel as twee keer die kategoriewenner vir onvoorbereide lees. Sy is ook die kategoriewenner vir gedramatiseerde poësie én voorbereide poësie. Verder verwerf sy twee-en-twintig goue sertifikate vir voorbereide poësie, gedramatiseerde poësie, monoloog, karakteruitbeelding, redevoering en onvoorbereide lees.
Sy wen dus die kunswedstrydallegaartjie trofee as die beste leerder in Kunswedstryde.
Ons sien uit na 2025 en die hoë hoogtes wat die leerders weer gaan bereik!
Gallery
