Koor

Koor

Die Koor van PNHS het in 2017 begin en het ‘n besige 2018 agter die rug. On het gegroei na ‘n familie van 100 lede en sien uit na 2019.


Ons gaan aan vele opwindende kompetisies deelneem soos bv. Sing in Harmonie, ‘n kompetisie wat op Kyknet uitgesaai word. Die koor begin einde Jaunarie en sluit af in Oktober. Kom raak deel van meer as net ‘n skoolkoor. Ons is ‘n groep wat jou opbou en ondersteun, en daarna uitsien om jou te ontmoet.


Nuutste Nuus


Vir drie jaar lank het ons skoolkoor, Cante Libre, vrylik gesing. Sonder enige pretensie het die klanke deur die skoolgeboue weergalm. Die gemeenskap het na drie jaar se bestaan goed geweet van die koor-talent in Hoërskool Pretoria-Noord.

Honderd nootvaste koorlede het in Januarie 2020 weer hard begin oefen, of sal ons eerder sê hard begin sing…. Groot drome is gekoester. Hierdie jaar sou hulle elke kompetisie wen met hulle “Disney” – tema.

Maar Maart 2020 is elke koorlid se mond agter ‘n masker gesnoer. Geen verdere oefeninge en geen klank mag meer geuiter word nie. Covid-19 en die land se inperkingsregulasies het Cante Libre vir die eerste keer tot stilte geruk.

Sing is egter deel van elke koorlid se bestaan. Musiek het in elkeen se hart bly voortleef. Liedjies is alleen tuis gesing en woorde is ingeoefen.

Hieroor het ons geen beheer gehad nie, maar ons sien met groot verwagting uit na Cante Libre in 2021 wanneer die koor onder leiding van Juffrou van Niekerk, Juffrou Delport en Francois Olivier weer hulle stemme aan die voet van die Magaliesberge sal laat hoor.



Personeel


Me. A. Delport


Gallery



Terug