Geesgroep

Geesgroep

“Al wat jy sien is die Vuurmasjien”, ‘n nuwe tradisie wat in 2018 by PNHS gestig is. Sou jy steeds wonder wie of wat die Vuurmasjien is, dit is die skool se eie gelukbringertjie of beter bekend as ‘n “Mascot”.


Die Vuurmasjien sal by elke denkbare geleentheid gesien word en is veral ‘n ondersteuner by sportbyeenkomste. Hy beeld die skool se veelsydigheid uit met sy sportiewe bou, bril en vriendelike voorkoms. Dit is ook ‘n simbool van die fakkel in die skoolwapen en daarom sal jy gereeld die Vuurmasjien met ‘n fakkel in die hand sien. Tydens die interhoër byeenkoms het die Vuurmasjien ‘n groep van ongeveer 300 rasieleiers en 12 dirigente wat die skool aanpor vanaf die pawiljoen. Hier word gesing en geklap en geskree en kan PNHS met trots sê dat hul die beste ondersteuners het. Die Vuurmasjien breek die hoërskool stereotipes en beeld uit dat daar ‘n plek vir elke leerder by PNHS is. Word daarom deel van die geesgroep en ondersteun die Vuurmasjien.

En onthou… “Gooi water, gooi sand, die Noord is aan die brand!”


Nuutste Nuus


Selfs in ‘n jaar waar Covid-19 sy tol geëis het, het PNHS se gees vir niks of niemand teruggestaan nie. Met ongeveer 300 rasieleiers en ‘n ywerige groep dirigente het die PNHS se geesgroep die jaar op ‘n hoë noot afgeskop. Tydens die skool se Interhuis geleentheid was daar ‘n interne geesvang kompetisie tussen die Atheners, Spartane en Romeine (die skool se afsonderlike atletiekspanne) om vas te stel watter span die meeste gees het. Die Romeine het die geleentheid gewen en is met watertandlekker roomys beloon.

Van daar af het die geesgroep behoorlik vlam gevat en die Vuurmasjien het beslis ‘n groot bydrae tot die opwinding gehad. Tydens die skool se tuisbyeenkoms, het PNHS en John Vorster mekaar behoorlik uitgedaag, wat uiteindelik gesorg het dat die pawiljoen gons.

Tydens Interhoër, die hoogtepunt vir PNHS se geesgroep, het die dirigente en rasieleiers beslis bewys dat hul, hul sout werd is. Met verskeie rekwisiete ‘n groot verskeidenheid liedjies en energieke choreografie, kon mens beslis nie PNHS miskyk nie.



Personeel


Me. M. Basson


Gallery



Terug