Debat

Debat

Daar word elke jaar debat oudisies gehou. Daar word dan ses spanne gekies. Twee junior spanne wat drie in ‘n span is. En drie senior spanne wat twee in ‘n span is.


Ons neem elke jaar aan die ATKV kompetisie deel. Ons spanne doen elke jaar baie ervaring op en groei as mense ook deur hul eie opinie oor ‘n onderwerp te ontwikkel. Probleemoplossingsvermoë word bevorder en stimuleer die leerders op ‘n kognitiewe vlak.

In 2018 het een junior span aan die ATKV kompetisie deelgeneem en vier senior spanne. Die debat het reeds afgeskop in die vierde kwartaal van 2018. Die nuwe spanne het die naweek van die 27 ste Oktober aan ‘n opleidingsessie deelgeneem.

Ons is baie opgewonde oor wat die jaar 2019 inhou en die spanne het alreeds op 29ste Januarie begin oefen.


Nuutste Nuus


Hierdie jaar het nuwe uitdagings en talle veranderinge ingehou. Daar was wel een ding wat sonder argumente konstant gebly het – PNHS se puik debatspan. Daar was hierdie jaar een junior- en vier seniorspanne. Die onderwerp vir die juniors was “Geskiedenis behoort (nie) ‘n verpligte vak in alle Suid-Afrikaanse Hoërskole te wees (nie)” en die seniors se onderwerp was “Onttrekking van multinasionale maatskappye aan Suid-Afrika behoort die land (nie) tot voordeel te strek (nie).” Na die interne kompetisie het die juniorspan en twee van die seniorspanne, die wat op hulle voete kon dink, deurgedring na die ATKV se debatskompetisie wat op 6 en 7 Maart by Afrikaans Hoër Seunsskool plaasgevind het. PNHS het ook ‘n wenspan opgelewer tydens hierdie kompetisie, naamlik: die seniorspan bestaande uit Marco Botha (Gr.12) en Carla Bronkhorst (Gr.12).

Ons sien uit na 'n nuwe jaar vol debatering veral oor die huidige wêreld pandemie.



Personeel


Me. A. Delport


Gallery



Terug